Ցավ ամորձիներում. armeniamedicalcenter.am

Ցավը կարող է ի հայտ գալ մեկ կամ երկու ամորձիներում, կամ նրանց շուրջ:  Այդ շրջանը շատ զգայուն է, ուստի ցանկացած ցավ կարող է մեծ տհաճություն պատճառել:

Ցավը փոշտում երբեմն վկայում է աճուկային և որովայնի շրջանի այլ օրգանների, հյուսվածքների ախտաբանության մասին:

Պատճառները

Ամորձիների հիվանդություններ.

• oրխիտ (ամորձու բորբոքում),
• էպիդիդիմիտ (ամորձու ծորանի բորբոքում),
• գանգրենա  (մասնավորապես, Ֆուրնյեի գանգրենա),
• ամորձաթաղանթի ջրգողություն,
• սպերմատոցելե (ամորձում` հեղուկի կուտակում),
• ամորձու ոլորում,
• չիջած ամորձի (կրիպտորխիզմ),
• ամորձու տրավմա` հարվածի կամ վնասման արդյունքում,
• հիդրոցելե (հեղուկի կուտակում, որն առաջացնում է ամորձապարկի այտուց),
• վարիկոցելե (փոշտի երակների լայնացում),
• նախկինում տարած վազէկտոմիայի հետևանքներ,
• դիաբետիկ նեյրոպաթիա` դիաբետի հետևանքով նյարդերի վնասում,
• ամորձիների քաղցկեղ:

Պատճառներ, որոնք կապված չեն ամորձիների հիվանդությունների հետ.

• Շոնլեյն-Հենոխի հեմոռագիկ վասկուլիտ (արյունատար անոթների բորբոքում),
• իդիոպաթիկ ցավ` ամորձիներում (ցավի անհայտ պատճառ),
• աճուկային ճողվածք,
• քարեր` երիկամներում,
• էպիդեմիկ պարօտիտ (խոզուկ),
• պրոստատիտ (շագանակագեղձի վարակ կամ բորբոքում),
• միզուղիների վարակներ,
• դեղերի կողմնակի ազդեցություն, օրինակ` որոշ հակաբիոտիկներ, քիմիաթերապևտիկ դեղեր:

Եթե ամորձու տրավմա է առաջացել, կամ կա նրա ոլորման կասկած, պետք է անհապաղ դիմել բժշկի:

Բժշկին շտապ դիմելու ցուցումներ են նաև.

• հանկարծակի ուժեղ ցավն` աճուկային և փոշտի շրջանում,
• ցավն ուղեկցվում է սրտխառնոցով, տենդով, սարսուռով, մեզում` արյան առկայությամբ:

Պլանային կարգով պետք է դիմել բժիշկ ուրոլոգ-անդրոլոգի, եթե.

• ցավն աճուկային շրջանում չի անցնում տնային պայմաներում մի քանի օրվա բուժման ընթացքում,
• ամորձիներում թեթև ցավը չի անցնում մի քանի օրվա ընթացքում,
• ամորձիներում կամ նրանց շուրջ կա այտուց կամ պնդացում,
• ցավը տարածվում է դեպի որովայնի ստորին հատված, այնուհետև դեպի աճուկներ և ամորձիներ:

Հարցեր, պատասխաններ, մեկնաբանություններ